Milan frenon Barçën

Ka përfunduar në barazim 1-1, ndeshja më e rëndësishme e ditës së martë, Milan-Barcelona, e vlefshme për raundin e 3-të të ndeshjeve në grupe.

Një Milan, që e nisi me një iluzion pjesën e parë, duke kaluar në avantazh me anë të Robinho-s, teksa ky i fundit kombinoi me brazilianin Kakà, më i miri në fushë për kuqezinjtë gjatë pjesës së parë.
Megjithatë, avantazhi kuqezi nuk zgjati shumë, pasi Barcelona arrin të barazojë shifrat në 1-1 me anë të Messi-t, pas asistit të marrë nga Iniesta. Në 30 minuta vendoset gjithçka në këtë sfidë, sepse në minutat në vijim do të ndryshojnë fytyrat në fushë, por jo rezultati.

Milan merr një pikë të rëndësishme në “San Siro”, pas një prove të mirë edhe në mbrojtje, edhe pse në pjesën e dytë pati edhe rastet më të mira për të siguruar fitoren, por pa ia arritur qëllimit.